لما يتم عزل أكتر من عمارة فى بورسعيد

بسبب ظهور حالات كورونا إيجابى فيهم

والسكان مايسمعوش الكلام ويرفضوا العزل الذاتي

ويطفشوا عسكرى الحراسة الموجود لخدمتهم ،

ويمزقوا الورقة المكتوبه بإن العمارة تحت العزل

والدوله تضطر تنزلهم قوة أمنية من الشرطة

عشان تشمع باب العمارة بالحواجز و بالقوة

يبقا احنا فى مهززززلة ومنجيش بالأدب

ولما الدوله المصريه تستجيب لنداء بعض المصريين العالقين في الكويت ، وتبعت طيارات تنقذهم و تكرمهم وترجعهم بلدهم

وأول مايوصلوا مطار القاهرة

يعملوا مظاهره ضد إجراءات الحكومة

ويهتفوا مش حانروح الحجر

والدولة تاخدهم بالعافيه حفاظاً على سلامة الجميع 

يبقا احنا فى مرقعة و دلع ماسخ ومسخرررة 😡

فالحين بس لما المصيبة تقع يشتموا الدولة

ومش واخدين بالهم أنهم هما السبب 

الصين مانجحتش فى ازمة كورونا

وفي كل حياتها و قوة اقتصادها 

إلا بقبضة الحكم الشيوعى

شغل يبقا شغل

ممنوع إنجاب اكتر طفل يبقى ممنوع 

حجر صحي يبقا حجر و إلا الضرب بالنااااار

لكن الديمقراطية و الرهان الوعى

جابلنا ايه ؟!  

جابلنا نزول للشواطيء 

الدوله تقفل الشواطيء 

ينزلوا المتنزهات 

الدوله تقفل المتنزهات 

ينزلوا زيارات منزلية عائلية 

نقفل الجيم و الكافيهات و السايبرات

ينزلوا العيال تلعب فى الشوارع 

وقهاوى مقفولة ظاهرياً ، لكن التجمعات جوة من الباطنو فى الآخر بكل بجاحة

يشتموا الدولة ويتهموها بالتقصير 🤬انا اذا كنت هشتم فاانا هشتم وألعن و أسب

اليوم اللي عرفنا فيه الحريات

و الديمقراطية و مصطبة المكلمة و قلة الأدب 

كل واحد ماشى من دماغه وعامل نفسه ابو العريف

و لما تعك يشتم الدول

الدولة المصرية عاملة مجهود خرافي

فى مواجهة أزمة كورونا ودا بشهادة العالم

ورغم كدا في شوية سفهاء مصممين يضيعوا كل المجهودات ويعرضوا الجميع للخطر بسلوكياتهم المختلهفى رأيى أنهاأكبر غلطة للدولة

انها بتحكم بالأدب مع بعض الجهله 

لا يعرفوا أدب ولا أخلاق و لا عندهم وعي

ومبدأهم تلهيك واللي فيها تجيبه في الدولة

-----

ربنا يستر ونعدي أزمة كورونا على خير

لأن سلوكيات البعض بقت مريبه جداً

وقِله من الجهلاء ممكن يضيعوا كل العقلاء